Abşeron şəraitində yeni pestisidlərin üzümün oidium xəstəliyi və salxim yarpaqbükəni zərərvericisinə qarşi səmərəliliyi

PDF READ READ

Xülasə

Müəlliflərin Abşeron şəraitində yeni pestisidlərin üzümün oidium xəstəliyi və salxım yarpaqbükəni zərərvericisinə qarşı səmərəliliyi məqaləsində Abşeronda ən çox yayılmış oidium xəstəliyi və salxım yarpaqbükəni zərərvericisinə qarşı yeni pestisidlərin sınaqlarından və alınmış elmi nəticələrdən bəhs olunur. Aparılmış elmi tədqiqatlar göstərdi ki, üzümün oidium xəstəliyinə qarşı sınaqdan keçirilmiş “Punch-40 EK”, “Kumulus” , “ Talendo” və “ Kabrio-Top” funqisidləri 10-14 gün ərzində üzümü mühafizə edə bilir. Salxım yarpaqbükəninə qarşı tətbiq etdiyimiz Super Takimetrin (250 q/ha) və Fenoxycarb (0,6 kq/ha) insektisidləri 15-20 gün ərzində öz toksiki təsirini saxlaya bilir. Abşeron üzümlüklərində müşahidə olunan oidium xəstəliyinə və salxım yarpaqbükəninə qarşı pestisidləri tətbiq edərkən onların bir neçə istifadə normasından istifadə olunmuş , ən səmərəli norma təyin olunmuşdur. Kimyəvi çiləmədən qabaq xəstəlik və zərərvericinin uçotu aparılmış, yoluxmuş yarpaq və salxımlar sayılmışdır. Pestisidin tətbiqindən 5, 10 və 15 gün sonra da uçot aparılmış və onun səmərəliliyi təyin edilmişdir. Pestisidlərin sınaqları xəstəlik və zərərvericilərə həssas olan Rkasiteli, Qara şanı . Bayanşirə , Şamaxı mərəndisi, Zeynəbi , Gəncəvi üzüm sort və hibridləri üzərində keçirilmişdir. Nəzarət (dərmansız) tənəklər də müşahidəyə götürülmüş və bu üzüm sort və hibridlərində xəstəlik və zərərvericinin nə qədər artdığı aydın görünmüşdür.